Man Kelmendi: Përkujtim dhe Inspirim: 34 Vjetori i rënies së Afrim Zhitisë dhe Fahri Fazliut!

Sot shënojmë 34 vjetorin e rënies së dy figurave të shquara të lirisë dhe Bashkimit Kombëtar Shqiptar, Afrim Zhitisë dhe Fahri Fazliut. Kjo datë jo vetëm që përkujton sakrificën e tyre, por gjithashtu rikujton nevojën për të vlerësuar dhe për të ndjekur rrugën e tyre të guximit, të vendosmërisë dhe të përkushtimit ndaj atdheut.

Afrim Zhitia dhe Fahri Fazliu, në jetën e tyre të shkurtër, treguan një guxim dhe përkushtim të jashtëzakonshëm ndaj idealit të lirisë dhe bashkimit të shqiptarëve.

Ata luftuan më vendosmëri dhe u bënë simbole të rezistencës dhe të Pavarësisë së Kosovës, duke u shndërruar në frymëzim për brezat që vijnë.

Vitet e tyre të rinisë u shpenzuan në një angazhim të palëkundur dhe në një luftë të vazhdueshme kundër padrejtësisë dhe represionit Jugosllav e serb dhe shqipfolëseve. Duke u ngjitur në majat e veprimtarisë atdhetare, ata shprehën jo vetëm guximin personal, por edhe aspiratat dhe ëndrrat për një Kosovë të lirë dhe të pavarur.

Afrimi dhe Fahriu nuk ishin vetëm luftëtarë; ata ishin edhe simbole të një ideali më të gjerë. Ideali i tyre për liri dhe bashkim të të gjithë shqiptarëve në një shtet mbetët një dëshmi e tyre e pashlyeshme dhe një sfidë për brezat e sotëm dhe të ardhshëm. Veprimtaria e tyre na kujton se liria dhe pavarësia nuk janë dhuratë, por fitohen më gjak e sakrificë dhe vendosmëri.

Kujtimi për Afrim Zhitin dhe Fahri Fazliun duhet të jetë një kujtesë e gjallë, një thirrje për të mos harruar se historia e një kombi ndërtohet me vepra dhe sakrifica të tilla. Ata na kujtojnë se çdo gjeneratë ka përgjegjësinë të mbajë gjallë flakën e lirisë.

Sot, duke shënuar 34 vjetorin e tyre, ne nderojmë jo vetëm kujtimin e tyre, por gjithashtu edhe idealin për të cilin ata dhanë jetën. Është detyrë e jona të bëjmë që aspiratat e tyre për një Shqipëri etnike të bashkuar më Kosovën të mos mbetën vetëm ëndrra, por të bëhen realitet.

Lavdi e përjetshme Afrim Zhitisë dhe Fahri Fazliut!

Qoftë i përjetshëm kujtimi për ta dhe i ideali i tyre për Bashkim Kombëtar u bëftë realitet!