Jetë në përmasa
–I burgosuri
Jetë njeriu
Skenë përmasash
Me hapa të caktuar
Në hapësirë e kohë
Duart në proporcion
Të panatyrshëm
Sytë
Shikim të kufizuar
Me anët e horizontit
Lëvizim
Si toka rreth diellit
Matje
Kohe
Në hapësirë
Fenomenet natyrore
E fiziologjike
Në sekonda
Lëkura ka ndjesi
Të tashme
E të shkuar
Lëvizim me kod
Kohën
Nuk e masimë
As me ditë
As me orë
Me rrapëllimë
Hapash
E zërash kërcënues
Koha matet
Me rrahje
Shtërzime
E çirrje
Nga pyetjet
Me ushqim
Pa kalori
Jetoj
Në kohë
Të eci
Me urdhër
Në parrugë
Të njëjtë
Jetoj
Në përmasa
Për aq
Sa mbahet
jeta.
add a comment
