KËSHILLI KOORDINUES I ARSIMTARËVE NË DIASPORË (KKAD)
FESTOI FESTAT E NËNTORIT
Nga Sektori i informimit të KKAD-së
Isuf Bytyçi dhe Anita Duriçi
Sonte, më 29 Nëntor 2024, në orën 21:00, KKAD organizoi një takim virtual përmes
platformës Zoom, për të nderuar dhe uruar festat e Nëntorit. Ky takim, i mbushur me
emocione të thella dhe mirënjohje, shënoi një moment të veçantë në kalendarin e festimeve
kombëtare, ku u theksuan ngjarjet që kanë formësuar historinë e kombit shqiptar.
Takimi u hap me një fjalë të ngrohtë nga kryetari i KKAD-së, z. Mustafë Krasniqi, i cili
përshëndeti anëtarët e pranishëm dhe falënderoi ata për angazhimin dhe punën e palodhur në
mbështetje të trashëgimisë kulturore dhe edukative. Pas përshëndetjeve, ai dha një pasqyrë të
rëndësishme të punës 4-vjeçare të KKAD-së, duke nënvizuar përpjekjet për forcimin e
lidhjeve mes diasporës dhe atdheut.
Në fjalën e tij, z. Krasniqi theksoi se Nëntori është një muaj i shenjtë, që nderon kombin,
dëshmorët dhe ngjarjet historike që kanë formësuar identitetin tonë kombëtar. Ai e përshkroi
Nëntorin si muajin e krenarisë dhe i dha një vend të veçantë datave dhe festave që janë
ngulitur thellë në kujtesën e shqiptarëve. Duke kujtuar ngjarjet historike, ai tha: “Nëntori
është muaji që nderohet kombi shqiptar, dita e Flamurit, flamuri që u ngrit për herë të parë
nga heroi ynë kombëtar, Gjergj Kastrioti, në Krujë më 28 Nëntor të vitit 1443. Ky është
gjithashtu muaji i shpalljes së Pavarësisë, më 28 Nëntor 1912 në Vlorë, kur Ismail Qemali
ngriti flamurin në emër të lirisë, dhe dita e çlirimit të Shqipërisë më 29 Nëntor 1944. Nëntori
na kujton edhe Kongresin e Manastirit, ku u vendos alfabeti i gjuhës shqipe, që solli unitet
dhe forcë për të ardhmen tonë. Po ashtu, është edhe një muaj i shenjtë për ne, sepse 28
Nëntori i vitit 1997 shënoi daljen në skenë të Ushtrisë Çlirimtare të Kosovës, dhe përkujtojmë
gjithashtu ditëlindjen e heroit të popullit, Adem Jashari.”
Z. Krasniqi e mbylli fjalën e tij, duke uruar festat e Nëntorit për çdo shqiptar kudo që ndodhet,
duke theksuar rëndësinë e ruajtjes së identitetit dhe kulturës kombëtare, dhe duke u betuar se
bashkë do të vazhdojmë të forcojmë lidhjet e diasporës me atdheun.
Urimet dhe fjalët e ngrohta të kryetarit të KKAD-së u pasuan nga anëtarët e tjerë të
pranishëm, të cilët gjithashtu dërguan urimet e tyre të përzemërta. Miradije Berisha, Aurela
Konduri, Isuf Bytyçi, Anita Duriçi, Teuta Tabaku, Dritan Mashi dhe Arta Emiri i
bashkëngjitën uratës, duke shprehur falënderimet e tyre për mundësinë e bashkëpunimit dhe
përkujdesjes për ruajtjen e vlerave kulturore dhe arsimore. Pas fjalimeve, u ndanë urime dhe
shëndete për festat e Nëntorit dhe u ngritën gotat për të festuar së bashku me shpresë dhe
krenari.
Ndërsa takimi vazhdoi, pjesëmarrësit diskutuan gjithashtu mbi çështje të rëndësishme që
lidhen me mësimin e gjuhës shqipe në diasporë, duke u angazhuar për të mbështetur shkollat
dhe projektet që promovojnë edukimin dhe ruajtjen e kulturës shqiptare në botë. U përmend
gjithashtu nevoja për një angazhim më të madh për forcimin e komunitetit shqiptar jashtë
kufijve të Shqipërisë dhe Kosovës, për të garantuar që vlerat dhe traditat tona të trashëgohen
nga brezat e rinj.
takim virtual i KKAD-së u bë një moment reflektimi, nderimi dhe angazhimi për të ardhmen,
një simbol i forcës dhe unitetit të diasporës shqiptare, e cila është gjithnjë e më e pranishme
dhe e fuqishme në çdo cep të botës.
