Sadri Gashi: Poezi për Heroin e LPK – UÇK – së dhe të krejt Shqipërisë Xhemajl Fetahun
S o n t e
– Heroit të Kombit Xhemajl Fetahaj –
N´meditimin e thellë vrullshëm m´zgjon zëri epik kënge
Që vie si kushtrim me ushtimen e malit të Majës së Zezë
Loti , emocionet e të dridhmet në ndalim dimri e kohe
Hapi e vrapi në hap me hap për hap zbardh natën sterrë
Luftëtari i Lirisë , Dëshmori i Kombit , komandant Delta
Heroi i Shqipërisë Etnike, i pavdekshmi Xhemajl Fetahaj
Tregoi si lindet dhe si i merret shtrigës shekullore Ora
Si bien e s´vdesin trimat dhe rriten me Rritën Arbërore
Si rriten e përjetësohen me pavdekësi
Për Dritë me Diell – për Liri
Heu Xhemajl Fetahaj!
Hero i Shqipërisë Etnike.
Vetëm tri ditë pas 35 vjetorit të lindjes n´dritë
Së bashku me Pranverë shndërrohesh n´ lindje përjetë
Duke zhbërë bunkere roje, që ndanin ditën me ditë
Duke flakur hijet mortore që 100 vjet ndalnin dritë
Betimin për liri e pate dhënë disa vite më parë
N´ vizionin rrugëtues gadi një dekadë më parë
Në nismën e pajtimit të gjaqeve
Në pajtim – formimim e celulave
Në rrugën e gjatë për liri e bashkim kombëtar
„Pajtimi i gjaqeve o vëllezër është detyrë e parë
Kështu të nisim Abetaren e çlirimit tonë kombëtar “
N´Raushiqin tënd zënë fill falja e gjakut t´ parë
E loja ecë e ecë e s´ndalet as në Mot të ri
Dhe Xhamadani i kuq ndal gjakun n´rritje hapi
N ´vrapim ndal diellin dhe me perin e zi
Xhamadani u përjetësua përherë n´ dritë shpati
Xhemajli, me flatra Shqipeje si Osa Kuka në Vraninë
Duke thyer istikamin e armikut bie bashkë me Milazimin
Dy pëllumba lirie si dy lule drite n´përshëndetje rinie
Në zhbërje t´ murit kinez vunë gurë n´themel Ardhmërie
N´ themel bardhësie n´këtë anë n´Shqipëri
Toka Arbërore s´do ketë kurrë jo , më kufi !
Për dritë e Rritë Dielli
Përjetësi – n´ardhmëri.
Për këtë Diell e Dritë
Një shekull gati përditë
Jemi djegur për Rritë
E Kemi luftuar me ditë
E sot, sot…
Me diell e dritë
Gjaku , loti e hapi n´ blerim
Flasin për dritë
Si fanar dite n´dritësim
Heu Xhemaj Fetahaj !
Hero i Shqipërisë Etnike .
Në Pranverë e n´ t´ Madhen Rritë
Dy lindje tua lartësohen n´ Dritë
Në 22-të vjetorin e Lavdisë
Dhe n´ 57 vjetorin e Lindjes
O Xhemajl Fetahaj!
O Heroi ynë!
Lindja Lindjen rritë
Lindja përjetë Dritë
Lavdia ecë´ me Rritë
Lavdi e ditë me Dritë.
27. 05. 2021
Me Ibish Nezirin
