Mehmet Bislimi – Prekazi: 17 shkurti i pavarësisë – shkëputjes nga Serbia

17 shkurti dita e shpalljes të pavarësisë së Kosovës
Shpallja e pavarësisë së Kosovës më 17 shkurt 2008 nuk zbriti nga qielli, për më shumë ishte
kurorëzimi më sublim i një rrugëtimi të gjatë e të mundimshëm për qytetarët tanë. Rrugëtim
ky me vuajtje, sakrifica e gjak për vite me radhë deri tek fitorja e popullit tonë prirë nga
Ushtria jonë e lavdishme Çlirimtare, mbështetur fuqishëm nga populli ynë liridashës.
Për vite të tëra, qytetarët tanë vuajtën pasojat e spastrimit etnik nga regjimi fashist serb, deri
në përmasa gjenocidi. Pas përfundimit të luftës dhe kapitullimit të Serbisë fashiste, atë botë
prirë nga kasapi i Ballkanit Millosheviq, në vazhdim vendosja e trupave ndërkombëtar në
Kosovë, në nëntor 2005, filloi zyrtarisht procesi për statusin përfundimtar të Republikës së
Kosovës që po lëngon edhe sot gati pas një çerek shekulli!
Që nga 13 qershorit i vitit 1999, kur forcat okupatore serbe u detyruan të largoheshin nga
Kosova (nënshkruan kapitullimin), vendi ynë administrohej nga misioni i Organizatës së
Kombeve të Bashkuara UNMIK dhe institucioneve demokratike të Kosovës si Kuvendi,
Presidenca dhe Qeveria e Republikës së Kosovës.
Edhe pse Serbia nuk kishte kontroll mbi Kosovën, në rezolutën 1244 të Këshillit të Sigurimit,
potencohej se Kosova është protektorat i OKB-së, por juridikisht pjesë e Republikës Federale
të Jugosllavisë. Ndërkaq më 2 shkurt 2007 i dërguari special për statusin e Kosovës, Martti
Ahtisaari, dorëzoi propozimin e tij në Prishtinë dhe Beograd, për pavarësinë e kushtëzuar të
Kosovës, hap që çoi drejt krijimit të shtetit të pavarur.
Me përpjekje të mëdha, pas disa raunde bisedimesh, Kosova u shpall e pavarur vetëm më 17
shkurt 2008. Në vazhdim më 22 korrik 2010, Gjykata Ndërkombëtare e Drejtësisë konfirmoi
përmes vendimit këshillëdhënës se Pavarësia e Kosovës nuk ka shkelur asnjë nen të Ligjit
Ndërkombëtar.
Njohjet nga vendet e BE-së
Më 18 shkurt 2008 presidenca e BE-së, njoftoi se pas shumë bisedimesh mes ministrave të
jashtëm, sqaroi se vendet anëtare ishin të lira të vendosnin individualisht për ta njohur
pavarësinë e Kosovës. Shumica e shteteve anëtare të BE-së e kanë njohur Kosovën, me
përjashtim të Qipros, Greqisë, Rumanisë, Sllovakisë dhe Spanjës, shtete këto që në një farë
shkalle kanë edhe probleme e tyre të brendshme ende të pazgjedhura!…
Në vazhdim, Bashkimi Evropian aprovoi vendosjen e një misioni për sundimin e ligjit, të
quajtur “EULEX”, për të zhvilluar e mbikëqyrur më tej sektorin e policisë dhe drejtësisë në
Kosovë. Të gjitha vendet anëtare të BE-së miratuan mandatin e EULEX-it, duke përfshirë
këtu edhe ato pak shtete të Bashkësisë Evropiane, që ende nuk e kanë njohur pavarësinë e
Republikës së Kosovës.
Menjëherë pas shpalljes së pavarësisë, filluan edhe njohjet e para. Shteti i parë që njohu
pavarësinë e Kosovës ishte Afganistani. Deri tani 115 entitete sovrane kanë njohur formalisht
Republikën e Kosovës. Gjithashtu, shumica e vendeve të Bashkimit Evropian kanë njohur
pavarësinë e Kosovën.
24 anëtarë të aleancës së NATOS (nga 28 sa janë), po ashtu kanë njohur pavarësinë e
Republikës së Kosovës. Shtetet anëtare të përhershme të Këshillit të Sigurimit, janë të ndara
sa i përket pavarësisë së Republikës së Kosovës. SHBA, Britania e Madhe dhe Franca, njohën
pavarësinë e Kosovës, Rusia e ka kundërshtuar aktin e pavarësisë, ndërsa Kina ka shprehur
brengosjen e saj për këtë akt të shpalljes së pavarësisë.
Më 15 maj 2008, Rusia, Kina dhe India, lëshuan një deklaratë të përbashkët, në të cilën ftojnë
palët për negociata të reja mes autoriteteve të Beogradit dhe Prishtinës!…

Pavarësinë e Kosovës e kanë njohur edhe Republika e Shqipërisë, Republika e Maqedonisë
dhe ajo e Malit të Zi. Pavarësinë e Kosovës e kanë shpallur të bërë në Kuvendin e Kosovës,
në bashkërendim dhe koordinim të plotë mes Institucioneve të Kosovës (atë botë me ish
Presidentin e Republikës së Kosovës z. Fatmir Sejdiun, ish Kryekuvendarin, z. Jakup
Krasniqin, ndërkaq Deklaratën e Pavarësisë e ka lexuar ish Kryeministri i Republikës së
Kosovës, z. Hashim Thaçi).
Me këtë akt u shpall e lirë, diku mbi 50% e territoreve shqiptare të uzurpuara nga shtetet
invaduese grabitqare fqinje. Deri në pavarësinë dhe bashkimin e plotë të tokave shqiptare,
përpjekjet tona nuk do të pushojnë e nuk do të rreshtin, duke i përdorur të gjitha mjetet demokratike të
njohura me të gjitha konventat ndërkombëtare për te jetuar të lirë e të bashkuar. Pavarësia e
Republikës së Kosovës është shpallur nga Kuvendi i Kosovës, në pran të mysafirëve të shumtë ndërkombëtarë dhe të përfaqësuesve të Familjes Jashari.
CH-17-02-2023
Mehmet Bislimi