HALIL JASHARI
Me ty e arrijmë të pambërrijtshmën
Nuk jemi fajtor për të çmendurit
Me dhembje e realizojmë porosinë e nënës
Dhe shërojmë dhembjen në bregun e liqenit të zanave
Ti mbete lajmëtar i pranverës
Në çdo stinë
Në rrugën për te dielli
Ti lum i çdo vendlindjeje
Që kumbon çdo kohë
Në rrugën e jetës
Me ty s’ka vdekje
Nga asnjë stuhi
Ti je fjalë e vërtetë
Trung që ecën kah njeriu
Porosinë e nënës e realizon
U trete të mos vij vdekja e ditës
Të mos kemi mall
Ta arrijmë të pambërritshmën
AHMET KAÇIKU
Me ty pleqëria s’t’i mbyll sytë
As nata kriminale
Lugetërit e ri pa ty bëjnë bisedë
Si ta harrojmë porosinë tënde
Me ty jubiletë nuk i përkasin planetit tjetër
Ëndrrat kanë kuptim
Me ty s’ka zënkë familjare
As perandori të mjegullës
As flamuj të verdhë
Nuk pranoj fyerje kur jam në shtëpi
Dajrexhintë e mjegullës mbajnë fjalim
Për planetin tjetër
Kalorësit e erës
S’mund ta studiojnë porosinë tënde
Kënga e lugatit vritet në natën kriminale
