Shefqet Cakiqi – Llapashtica: 95 – vjetori i vrasjes së Atë Shtjefën Gjeçovit nga Serbia pushtuese

• U lind më 12 korrik 1874 në Janjevë.

• Atë Shtjefën Gjeçovi ishte meshtar françeskan, njeri i urtë, atdhetar dhe veprimtar i madh i Kombit Shqiptar.

• Shërbeu si famullitar i Zymit dhe ishte mësues i Gjuhës Shqipe.

• Ishte njohës i madh i gjuhës dhe letërsisë shqipe; i arkeologjisë, etnografisë…

• Mblodhi këngë, doke e zakone popullore.

• U bë i njohur për mbledhjen e “Kanunit të Lekë Dukagjinit”.

• Shkroi vepra, proza e poezi dhe përktheu një sërë veprash nga gjuhët e huaja.

• Ndër më kryesoret janë: “Shna Ndou i Padues”; “Përkrenarja e Skënderbeut”; “Kanuni i Lekë Dukagjinit”; “Shqiptari ngadhënjyes” etj.

• Gjeçovi gjatë gjithë jetës veproi sipas traditës françeskane: hape një Kishë, një shkollë dhe një biblotekë.

• Detyra kryesore e tij ishte predikimi i Ungjillit të Krishtit.

• Në Zym të Hasit e hapi shkollën e parë shqipe dhe e botoi abetaren e saj, “Abetarja e Zymit”.

• Gjeçovi ishte mësues i shqiptarëve, pa dallim besimi, myslimanë e të krishterë, sepse i donte shqiptarët të arsimuar.

• Tërë jetën e vet e shkriu për të ngjallur ndjenjën kombëtare.

• Pushteti serb i asaj kohe e përndiqte dhe nuk lejonte shkollimin e shqiptarëve.

• U vra pabesisht nga pushtuesit serbë më 14 tetor 1929, kur po kthehej nga Prizreni në Zym të Hasit.

• Kështu veproi frati shqiptar, ku pas vetës la shkollën e Zymit, që sot e trashëgon emrin e tij “Atë Shtjefën Gjeçovi”.