Kulturë\Letërsi

Poezi nga poeti ynë, Hydajet Hyseni

ZAGARI

Sa e mjerë që është,

Puna e zagarit,

Tërë jetën vrapon,

Për hesap të gjuetarit.

Dhe sa të jetë i ri

E të gjuajë mirë,

I zoti i jep atij

Ndonjë asht për të lëpirë.

Por, dikur, kur të mplaket,

E  të mos ngrihet prej toke,

E shpërblen gjuetari,

Me një plumb pas koke!

Sa e mjerë që është

Puna e zagarit,

Por edhe më e mjerë,

Është jeta e tradhtarit.

1980

SORKADHJA

Ik e ik,

Ik e ik…

Ik e ik,

Nga gjuetari.

Sa në fushë,

Sa në male;

Sa drenushë,

Sa sorkadhe…

Ik e ik,

Ik e ik…

Ik e ik,

Nga gjuetari;

Ik e ik,

E te gjuetari…

1990. Burgu “Deligrad”, Nish