Kim: SHBA mbështet fort përpjekjet e Shqipërisë për t’u integruar në BE
TIRANË, 7 dhjetor /ATSH/ Presidenti i Republikës, Bajram Begaj zhvilloi një takim me ambasadoren e Shteteve të Bashkuara të Amerikës në Shqipëri, Yuri Kim.
Në një reagim në rrjetet sociale Kim falënderoi Presidentin Begaj për mundësinë për t’i shprehur Shqipërisë urimet e saj për pritjen e samitit të parë BE – Ballkani Perëndimor – hera e parë që ky samit mbahet jashtë Brukselit.
“SHBA mbështet fort përpjekjet e Shqipërisë për të ndërmarrë hapat e nevojshëm – përfshirë reformën në drejtësi – për t’u integruar në BE”, theksoi Kim.
“Ne rishikuam gjithashtu arritjet në vitin 2022 – si aleatë të NATO, anëtarë të Këshillit të Sigurimit të OKB dhe si miqtë më të mirë – duke i çuar marrëdhëniet SHBA-Shqipëri në nivele të larta historike”, u shpreh Kim.
“Mezi presim të bëjmë edhe më shumë së bashku në 2023 për të forcuar bashkëpunimin SHBA-Shqipëri në demokraci, mbrojtje dhe biznes”, nënvizoi Kim.
/j.p/r.e/
