1. Ai
Jusuf Gërvallës
Ai deshti një copë diell
Një copë tokë
bukë e ujë
Fatin e lidhi me të gjithë
Ai deshi të jetë mik
Të jetë Zot për vedi
Ai jetoi me nënën
Kërkoi liri shpirti
Tjetri shtrydhi gurin
Trusi gryken e topit
Mbylli jetën
Nëna i Tha;
Nëse vritesh bir
Plumbi në shpinë
mos të zë
Atij tregoi ballin
Gjoksin
Por
Mos vrajë
E mos vrit
Me plumb-shpine kurrë
Ai nuk ishte nënkëmbëz
Ishte urë e gurë
Ai u bë përmendore
/28 nëntor 1991/
.
2. Jeton Kosova
/Adem Demaçit/
Sot ktheu ndriçimin
Dielli qeshet
Toka gjallon
Gjarpinjët zvarranik
Hamallxhiu ka vdekur
Nuk djerësitet nga mundi
Tupanxhiu shtrëngon rrathët
Prit të fillojmë vallen
Ulur ballë ode
ditët e pajtimit
flisje me popull
Ti merrje
dorë pajtimi
I mbytem Gjarpinjët
Me porosinë e madhe
Tre dekada myku
Deri në fladinë
Jemi mallëngjyer
Mos na merr për te madhe
Nuk jemi burra vaji
Kënga e burrit është vaj
Ti biri ynë i madh
Mësuesi entuziast
Prindi ynë i urrët
Vëllai ynë i dashur
Flasim e çmallemi
Hidhemi në vaj gëzimi
Oda jonë është Kosova
Mbi toka e nënqielli ynë
Ore! Sot kemi festë
Jemi të gjithë në log
Tok, Populli me ty
E Ti me popullin.
Maj 1990.
