Eh sa fytyra fshihen pas emrit tënd Atdhe
Nga çudia kam harruar
Vuajtjet dhe lotët e mi
Prindërit më vdiqën të njomë sa një re
E fëmijët shiten duke lustruar këpucë
Të gjithë folën në veshin tënd Atdhe
Dhe vizllojnë këpucët më shumë se fytyra
Me emrin tënd në gojë
E rinia ime mbi shkëmbinjtë e Goli-Otokut
Rrokulliset në shpirtin tim Atdhe
Edhe zhvatja edhe hajnia
Edhe mjerimi në mendjen time
Të gjitha janë – Ti Atdhe
Bile edhe lakuriqët e ditës
Me mendësi të vjetër
U kënaqen duke të mjelur – Atdhe
add a comment
