TIRANË, 12 shkurt /ATSH/ Ministrja e Turizmit dhe Mjedisit, Mirela Kumbaro ndau sot pamje nga Parku Kombëtar Divjakë-Karavasta.
Nën magjinë e ngjyrave që vijnë nga objektivi i fotografit Hektor Pustina, Kumbaro i ftoi të gjithë që të përjetojnë eksperienca unike në këtë perlë biodiversiteti dhe ekoturizmi.
arku Kombëtar Divjakë-Karavasta është një nga destinacionet më të të preferuara për turistët për argëtim, qetësi dhe pushim gjatë fundjavës për qindra qytetarë që e frekuentojnë çdo javë.
Përveç natyrës, parku kombëtar u ofron qytetarëve edhe “shoqërinë” e specieve të rralla dhe të veçanta që ndodhen në këtë park si pelikani kaçurrel, apo edhe gjitari globalisht i kërcënuar – lundërza (Lutra lutra), çakalli, dhelpra, baldosa, dallëndyshja e detit, por edhe disa lloje të rralla pishash.
Në parkun kombëtar Divjakë-Karavasta gjenden edhe delta lumenjsh, laguna, duna ranore dhe bimësi e rrallë, çka e bën këtë park një ndër më të rëndësishmit në Mesdhe.
Parku Kombëtar Divjakë-Karavasta, vazhdon të jetë një nga destinacionet e preferuara të turistëve vendas dhe të huaj.
