Ministrja e Jashtme e shtetit tonë Amë, Olta Xhaçka, ka deklaruar se Serbia është duke e përdorur situatën në Kosovën Veriore për politikën e saj të brendshme dhe, sipas saj, nuk ka fare të bëjë me interesat e njerëzve të zakonshëm.
Xhaçka, përmes postimit në Twitter, ka deklaruar se kjo metodë është jashtëzakonisht e rrezikshme dhe duhet të ndalet për hir të gjithë rajonit të Ballkanit.
“Shqiptarët dhe serbët janë dy kombet më të mëdha të këtij rajoni dhe janë të “dënuar” për të gjetur një rrugë të qëndrueshme drejt një të ardhmeje të përbashkët. Ne u bëjmë thirrje të dy liderëve të ulen dhe të bisedojnë dhe ne u bëjmë thirrje BE-së e SHBA-së që të insistojnë në të. Çdo gjë tjetër përveç dialogut është e dënuar të dështojë. Mjerisht”, ka shkruar Xhaçka.
